munh kis tarah se moḌ luun aise payam se
mujh ko bula raha hai vo ḳhud apne naam se
so.e to sabz pair ka saaya sarak gaya
Dera jama rakha tha baḌe ehtimam se
kaise miTa sakega mujhe sail-e-ab-o-gil
nisbat hai mere naqsh ko naqsh-e-davam se
go shahr-e-ḳhuftgan men qayamat ka ran paḌa
talvar phir bhi nikli na koi niyam se
haala bana raha hai tu ab un ke zikr ka
kab ke ga.e vo log salam-o-payam se
main to asir-e-garmi-e-bazar huun ‘rashid’
mujh ko gharaz na jins se darham na daam se
Leave a Reply