yuun tiri talash men tere ḳhasta-jan chale
jaise jhuum jhuum kar gard-e-karvan chale
aaj yuun hi saqiya jam-e-arghuvan chale
jaise bazm-e-vaz men shaiḳh ki zaban chale
rah-e-gham men ham se vo yuun kashan kashan chale
jaise bach ke ishq se husn-e-bad-guman chale
dil dhaḌak dhaḌak uTha yuun kisi ko dekh kar
jis tarah bahar men nabz-e-gulistan chale
dil ki anjuman se yuun ja raha hai zabt-e-gham
jaise raaz kholne koi raz-dan chale
shaiḳh ja raha hai yuun su-e-mai-kada ‘fana’
sar jhuka ke jis tarah umr-e-ra.egan chale
Leave a Reply