Jab Ujala Gali Se Guzarne Laga

jab ujālā galī se guzarne lagā

sab añdheroñ kā chehra utarne lagā

daur badla to maiñ bhī badal sā gayā

be-gunāhī se apnī mukarne lagā

shaam aa.ī to terā ḳhayāl aa gayā

aa.ina mere ghar kā sañvarne lagā

ḳhushbuoñ kī tarah itr-dānoñ meñ the

jab havā chal ga.ī sab bikharne lagā

ik ġhazal kah sakūñ gar ijāzat mile

āñsuoñ kā ye jharnā nikharne lagā

Leave a Comment