Mohabbat Mein Koi Tanha Safar Achchha Nahin Lagta

mohabbat meñ koī tanhā safar achchhā nahīñ lagtā

jo aa.uuñ lauT kar to apnā ghar achchhā nahīñ lagtā

usūlan pyaar aur nafrat hamesha saath rahte haiñ

tirī galiyoñ se logoñ kā guzar achchhā nahīñ lagtā

unheñ to qatl karne par savāb-e-ḳhuld miltā hai

unhīñ ko pyaar kā ik bhī shajar achchhā nahīñ lagtā

zamāne-bhar ke tum ko nāz-o-naḳhre kyuuñ uThāne haiñ

ḳhudā se ho na vābasta to Dar achchhā nahīñ lagtā

tumhāre kaan ke jhūmar meñ ho to dil uchhal jaa.e

tumhārī aañkh meñ jānāñ guhar achchhā nahīñ lagtā

Leave a Comment