kya kahen ye jabr kaisa zindagi ke saath hai
ham kisi ke saath hain aur dil kisi ke saath hai
zinda rakhne ki rivayat astin ke saanp ki
ik na ik hamdard bhi har aadmi ke saath hai
apni apni maslahat hai apna apna hai mafad
varna is duniya men kab koi kisi ke saath hai
ho chuki hain mushkilat-e-rah sab par ashkar
ab jo mere saath hai apni ḳhushi ke saath
vaz.a-dari ki qasam hai shahr men bas ik ‘ra.is’
dekhiye jab bhi use zinda-dili ke saath hai
Leave a Reply