qismat se laḌti hain nigahen
tere hote kis ko chahen
ulTi dekhen ishq ki rahen
hansna paḌe jab rona chahen
ishrat-e-mazi ko rota huun
gham ke gale men Daal ke bahen
nazuk nazuk jazbe dil ke
halki halki ThanDi aahen
shisha-e-dil ke har TukḌe men
ek ik surat kis ko chahen
mere muqaddar ke sar-name
jalte aansu ThanDi aahen
dukhte hue dil ki rag rag men
tum chuTki lo ham na karahen
haa.e tire paband-e-mohabbat
qaidi aansu mujrim aahen
ek ik saans javab-talab hai
kaise naale kaisi aahen
kya na guzarti hogi dil par
ro na saken jab rona chahen
surḳh ankhen hain bhare hain aansu
kis se ‘siraj’ laḌi hain nigahen
Leave a Reply