Bahte Hue Ashkon Ki Rawani Nahin Likkhi

bahte hue ashkon ki ravani nahin likkhi

main ne gham-e-hijran ki kahani nahin likkhi

jis din se tire haath se chhuta hai mira haath

us din se koi shaam suhani nahin likkhi

kya janiye kya soch ke afsurda hua dil

main ne to koi baat purani nahin likkhi

alfaz se kaghaz pe sajai hai jo duniya

juz apne koi chiiz bhi faani nahin likkhi

tashhir to maqsud nahin qissa-e-dil ki

so tujh ko likha teri nishani nahin likkhi

Leave a Comment