badan ko ḳhaak kiya aur lahu ko aab kiya
phir is ke ba.ad murattab naya nisab kiya
thakan sameT ke sadiyon ki jab gire ḳhud par
tujhe ḳhud apne hi andar se bazyab kiya
phir is ke ba.ad tire ishq ko lagaya gale
har ek saans ko apne liye azaab kiya
agar vajud men aa kar use na milna tha
hamen kyuun bhej ke is dahr men ḳharab kiya
usi ne chand ke pahlu men ik charagh rakha
usi ne dasht ke zarron ko aftab kiya
Leave a Reply