Poet
mundi ankhon se har pal jagta hai
koi mujh men musalsal jagta hai
idhar cigarette dhuan hone laga hai
udhar ankhon men kajal jagta hai
koi pankhe se laTka hai junun men
kahin sijon pe sandal jagta hai
abhi dam saadh ke chup-chap baiTho
abhi vahshat ka jangal jagta hai
main bichhḌi kuunj huun meri badaulat
kabhi ruuhi kabhi thal jagta hai
tahajjud men dua ke phuul kaḌhe
miri ammi ka anchal jagta hai
ye duniya jis ghaḌi soti hai ‘iman’
mire andar vo sojhal jagta hai
Leave a Reply