Iftikhar Haidar
munafiqin se azlam se muqabla hai
madine vaale hain aur shaam se muqabla hai
ḳhuda ke aḳhiri paigham se muqabla hai
janab-e-shaiḳh ka islam se muqabla hai
hamare sher ka avurd se taqabul chhoḌ
hamare sher ka ilham se muqabla hai
vo paas baiTha hai aur vasvase juda.i ke
mire yaqin ka auham se muqabla hai
badan kaman hua aur saans ghuTne lagi
hamara gardish-e-ayyam se muqabla hai
Leave a Reply