Mumkin Hai Wo Din Aae Ki Duniya Mujhe Samjhe

mumkin hai vo din aa.e ki duniyā mujhe samjhe

lāzim nahīñ har shaḳhs hī achchhā mujhe samjhe

hai koī yahāñ shahr meñ aisā ki jise maiñ

apnā na kahūñ aur vo apnā mujhe samjhe

har-chand mire saath rahe ahl-e-basīrat

kuchh ahl-e-basīrat the ki tanhā mujhe samjhe

maiñ aaj sar-e-ātish-e-namrūd khaḌā huuñ

ab dekhiye ye ḳhalq-e-ḳhudā kyā mujhe samjhe

Leave a Comment