Poet
aabru ulfat men agar chahiye
rakhni sada chashm ko tar chahiye
dil to tujhe de hi chuke jaan bhi
lijiye hazir hai agar chahiye
yaar mile ya na mile sub.h-o-sham
kucha-e-janan men guzar chahiye
naam bhi nam ka na raha chashm men
ab tu girye laḳht-e-jigar chahiye
tir-e-nigah vo hai ki jis tiir ke
samne hone ko jigar chahiye
ab ki bache ji to kisu ke ta.iin
phir na kahen bar-e-digar chahiye
dil bhi javahar hai va-lekin huzur
is ke parakhne ko nazar chahiye
Leave a Reply