Hum Hain Mushtaq-E-Jawab Aur Tum Ho Ulfat Sin Baid

ham hain mushtaq-e-javab aur tum ho ulfat siin baiid

naqd-e-dil gar tum kuun pahuncha hai to bhijva dev rasid

baagh men ham mar gae mahrum-e-vasl-e-gul-badan

hain hamare aaj phuul aur bulbulon ke haq men iid

lashkar-e-qalb-e-saf-e-ushshaq men hai ghalghala

yakka-taz-e-ah kuun kis ne kiya hai na-rasid

husn kuun hai naqd-e-naz aur ishq kuun jins-e-niyaz

phir abas shikva hai ye sauda hua hai khush-kharid

baagh siin gulchin chala tab bulbulon ne ghul kiya

hazrat-e-gul kuun kiya jaata hai ye kafir shahid

rah-navardan-e-junun kuun fatahyab-e-faiz hai

ablon ke qufl ko khar-e-bayaban hai kalid

but-paraston kuun hai iman-e-haqiqi vasl-e-but

barg-e-gul hai bulbulon kuun jild-e-quran-majid

nur-e-jan fanus-e-jismi siin juda kab hai ‘siraj’

shoala tar-e-shama siin kahta hai min-hablil-varid

Leave a Comment