Qadmon Mein Jab Se Mere Hain Tare Dhare Hue

qadmoñ meñ jab se mere haiñ taare dhare hue

saare adū haiñ ghar meñ bichāre dhare hue

achchhā to Thiik hai mujhe chalnā usī pe hai

rasta ki jis pe hoñge ḳhasāre dhare hue

taarī hai mauj mauj pe kuchh is liye bhī ḳhauf

aayā huuñ rauñd kar maiñ kināre dhare hue

ik jañg thī hamārī jise jītne ke ba.ad

palkoñ pe kyuuñ the us ke ishāre dhare hue

un se havā pe naqsh huī naġhmagī ‘naved’

jitne bhī the charāġh hamāre dhare hue

Leave a Comment