Jameel Malik
ye aur baat hamen surat-e-gulab lage
‘jamil’ zaḳhm lage aur be-hisab lage
tumhare ba.ad na takmil ho saki apni
tumhare ba.ad adhure tamam ḳhvab lage
main kaise tujh ko pukarun kahan se la.un tujhe
tire baghair agar zindagi azaab lage
main jitni baar paḌhun kaise kaise rang bharun
tira gulab sa chehra mujhe kitab lage
har ik saval pe to muskura ke rah jaa.e
hamen to ek hi jaisa tira javab lage
dikha.i de kabhi mahtab men tiri surat
kabhi tu din ke ujale men aftab lage
‘jamil’ ḳhvab haqiqat-numa bhi hote hain
vahi qarib-e-rag-e-jan hai jo sarab lage
Leave a Reply