Kyun Kahun Qamat Ko Tere Ai But-E-Raana Alif

kyuun kahun qamat ko tere ai but-e-raana alif

aur kuchh khubi nahin rakhta hai ik sidha alif

jaisa hai us barhaman zaade ke qashqe ka alif

likh nahin sakta hai koi khush-navis aisa alif

jab se di taalim-e-girya ustad-e-ishq ne

takhta-e-sina pe tifl-e-ashk ne khincha alif

vasf-beni men ye kya misraa zaban par aa gaya

us ki biini hai buland aur us se hai chhota alif

gard hai naqsh-o-nigar-e-chin un ke ru-ba-ru

hain rida-e-faqr par is tarah ke zeba alif

qatl ko ashiq ke angusht-e-isharat kar buland

teri angusht-e-isharat hai shahadat ka alif

sar-kashi karta hai yuun har aan mera nafs-e-shum

jis tarah se dam-ba-dam ho jaae hai ghoda alif

itne par bhi zat-e-vahid se hain ghafil naqisan

khinch raha hai mu-e-tan se tan pe sar-ta-pa alif

Leave a Comment