jalva-farma der tak dil-bar raha
apni kah li sab ne main shashdar raha
jism be-his be-shikan bistar raha
main na.e andaz se muztar raha
main ḳharab-e-bad-o-saghar raha
dil fida-e-saqi-e-kausar raha
main raha to bagh-e-hasti men magar
be-nava be-ashiyan be-par raha
sab chaman valon ne to luuTi bahar
aur mujhe sayyad hi ka Dar raha
koi samjha rind koi muttaqi
lab pe tauba haath men saghar raha
tham rahe aansu rahi dil men jalan
nam rahin ankhen kaleja tar raha
umr bhar phirta raha main dar-ba-dar
mar ke bhi charcha mira ghar ghar raha
saikaḌon fikren hain tum ko aqilo
tum se to ‘majzub’ hi behtar raha
Leave a Reply