Ravish Siddiqi
ahd-o-paiman kar ke paimane ke saath
umr guzri tere maiḳhane ke saath
zindagi bhi ji chura kar rah ga.i
kaun marta tere divane ke saath
ye na puchho rah-navardan-e-haram
kaun chhuTa ham se but-ḳhane ke saath
ḳhud-baḳhud hal ho ga.e kitne saval
vaqt ke ḳhamosh afsane ke saath
ai faqih-e-shahr kya is ka ilaaj
chashm-e-saqi bhi hai paimane ke saath
hosh-mandon par garan hain ai ‘ravish’
un ki baten tujh se divane ke saath
Leave a Reply