Poet
mujh se bichhḌe ho to rah jaoge tanha bhi nahin
main tumhen yaad nahin a.unga aisa bhi nahin
main ne daman bhi bachaya to gunahgar hua
aur phir yuun hua gharqab ki ubhra bhi nahin
vo tira zabt-e-mohabbat ho ki duniya ka nifaq
sab hi apne hain koi dard paraya bhi nahin
qadr-dan chahne valon ke ajab hote hain
us ne pahchan liya aur mujhe dekha bhi nahin
main use bhuul ke zinda bhi nahin rah sakta
aur mira ahd mujhe puchhne vaala bhi nahin
Leave a Reply