Bais-E-Imbisat Ho Aamad-E-Nau-Bahaar Kya

bā.is-e-imbisāt ho āmad-e-nau-bahār kyā

rañg-e-chaman dikhā.egā sīna-e-dāġh-dār kyā

gumbad-e-gard-bād hai sar-ba-falak har ik taraf

dasht-e-junūñ meñ rah ga.ī qais kī yādgār kyā

talḳh hai ziist kījiye kis liye talḳh-tar ise

ḳhurramī-e-guzishta ko roiye baar baar kyā

shām-e-visāl se ho kyā mahv-e-fareb-e-ārzū

yaad nahīñ rahī hameñ sub.h-e-vidā-e-yār kyā

aap hī miT-miTā ke ham ḳhāk-e-rah-e-fanā hue

aur miTā.egī hameñ gardish-e-rozgār kyā

Leave a Comment