mujh ko zinda rahne ka ik jazba aa ke maar gaya
main apni sanson se aḳhir laḌte laḌte haar gaya
apni ninden apni raten apni ankhen apne ḳhvab
tum ko jitne ki ḳhatir men apna sab kuchh haar gaya
jaisi chizen mujh men thiin sab vaisi duniya men bhi thiin
apne andar se main bahar aḳhir ko be-kar gaya
ishq ke is saude men mujh ko itna bhi ma.alum nahin
kitni teri nafrat aa.i kitna mera pyaar gaya
yaad rakhenge duniya vaale meri is qurbani ko
pahle junun ko aam kiya aur phir main su-e-dar gaya
Leave a Reply