Hisar-Andar-Hisar

mere ird-gard ik hisar hai

ik hisar jis ke gir-o-dar main

be-aman ghubar men

mera jism meri zaat

taar taar hai

vaqt ek lafz jo

asiir apne manavi bahisht men

vaqt ik tasalsul-e-ḳhayal jis ke dusre

ik ḳhala-e-be-karan ki jan-kashan giraft hai

is hisar se agar nikal sakun

(jism munjamid chaTan barf ki main agar pighal sakun)

reza reza jism ko sameT kar

ik vajud-e-taza-tar men dhal sakun

phir na jaane kaun sa ghubar mujh ko gher le

kaun sa hisar mujh ko gher le

Leave a Comment