afroz-rizvi

Azal Se Le Ke Abad Tak Charagh-e-Fani Hun

azal se le ke abad tak charagh-e-fani huun

hava ke dosh pe likkhi hui kahani huun

tu janta hai miri be-ghari ke qisse ko

main la-makan se makan tak tiri kahani huun

main raushni huun main khushbu huun mujh ko dekho to

kahin charagh kahin raat ki main raani huun

main badalon men chhupi rahmat-e-khudavandi

kahin ghata to kahin barishon ka paani huun

vo jis ne mujh ko padha hai varaq varaq ‘afroz’

usi ki zaat men main gum-shuda kahani huun

More Poems

Leave a Comment