khel sab rasm ka tha rasm nibha.i na ga.i
zindagi ham se tire taur bita.i na ga.i
ek din aap se mil baiThne ka mauqa laga
aur phir apni bhi koi tha bhi paa.i na ga.i
ek chehra tha jise husn ata kar na sake
ek kucha tha jahan ḳhaak uḌaa.i na ga.i
rang kaisa ye chaḌha hai jo utarta hi nahin
tere lauT aane se bhi teri juda.i na ga.i
us ne har baat pe kamtar hi dikhaya ham ko
ham se par dil se koi baat laga.i na ga.i
Leave a Reply