mushkilon ki yahi hain baḌi mushkilen
aap jab chahen kam hon tabhi ye baḌhen
ab koi dusra rasta hi nahin
yaad tujh ko karen aur zinda rahen
bas isi soch se jhuuT qaa.em raha
bol kar sach bhala ham bure kyuun banen
Daliyon pe phudakne se jo mil ga.i
us ḳhushi ke liye kyuun falak par uḌen
ham darinde nahin gar hain insan to
aa.ina dekhne se bata kyuun Daren
zindagi ḳhub-surat bane is tarah
ham kahen tum suno tum kaho ham sunen
aa ke haule se chhu len vo honThon se gar
to surili murliya se ‘niraj’ bajen
Leave a Reply