kuchh is tarah se milen ham ki baat rah jaa.e
bichhaḌ bhi jaa.en to hathon men haat rah jaa.e
ab is ke ba.ad ka mausam hai sardiyon vaala
tire badan ka koi lams saath rah jaa.e
main so raha huun tire ḳhvab dekhne ke liye
ye aarzu hai ki ankhon men raat rah jaa.e
main Duub ja.un samundar ki tez lahron men
kinare rakkhi hui ka.enat rah jaa.e
‘shakil’ mujh ko sameTe koi zamane tak
bikhar ke charon taraf meri zaat rah jaa.e
Leave a Reply