Mujhko Viran Si Raaton Mein Jagane Wale

Sahiba Sheheryar

mujh ko viran si raton men jagane vaale

luuT le jaan miri mujh ko satane vaale

saari abadi ko ye aag jala Dalegi

apni baton se mire dil ko jalane vaale

aa kabhi dekh to is ghar men akele rah kar

meri har baat ko baton men uḌane vaale

meri ankhon ne hamesha tujhe rahat di hai

inhi ankhon ko har ik lamha rulane vaale

tere lahje se kabhi phuul jhaḌa karte the

apni baton se mire dil ko jalane vaale