Nomaan Shauque
dil bhi ehsasat bhi jazbat bhi
kam nahin hain ham pe ilzamat bhi
rok do ye raushni ki tez dhaar
meri miTTi men gundhi hai raat bhi
muqtadi mere sabhi main huun imaam
hain kamal-e-ishq ke darjat bhi
chand apne aap ko kahte ho tum
aao dekhen ho ga.i hai raat bhi
duur tak ham bhigte chalte rahe
der tak hoti rahi barsat bhi
saath chalne men pareshani bhi hai
haath men thame hue hain haath bhi
Leave a Reply