mujh ko qadam qadam pe tira intizar hai
shayad ki mere vaste fasl-e-bahar hai
ankhon se tu ne mujh ko pila.i thi vo sharab
mere badan men aaj bhi us ka ḳhumar hai
baiThi huun intizar men takti huun rah tiri
rahat sukun-o-chain na mujh ko qarar hai
aaya palaT ke tu na ḳhabar teri aa saki
yadon ka aaj bhi tiri qaa.em mazar hai
jo log sachche ishq men maqbul ho ga.e
ai shah-e-dil hamara bhi un men shumar hai
uḌ uḌ ke aa rahi hai mahak tere jism ki
mahsus ho raha hai ye tera dayar hai
kal raat mere ḳhvab men chume the us ne lab
shayad ye us ke lams ka mujh par nikhar hai
Leave a Reply