agha-shayar-qazalbash

Mujhko Aata Hai Tayammum Na Wazu Aata Hai

mujh ko aata hai tayammum na vazu aata hai

sajda kar leta huun jab samne tu aata hai

yuun to shikva bhi hamen aina-ru aata hai

hont sil jaate hain jab samne tu aata hai

haath dhoe hue huun nesti-o-hasti se

shaikh kya puchhta hai mujh se vazu aata hai

minnaten karti hai shokhi ki mana luun tujh ko

jab mire samne rutha hua tu aata hai

puchhte kya ho tamannaon ki halat kya hai

saans ke saath ab ashkon men lahu aata hai

yaar ka ghar koi kaaba to nahin hai ‘shair’

haae kam-bakht yahin marne ko tu aata hai

More Poems

Leave a Comment