Sufi Tabassum
nazron se ghubar chhaT ga.e hain
chehron se naqab ulaT ga.e hain
furqat ke tavil raste the
yadon se tiri simaT ga.e hain
jis rah pe paḌe hain tere saa.e
us raah se ham lipaT ga.e hain
din kaise kaThin the zindagi ke
kya janiye kaise kaT ga.e hain
taqsim hue the kuchh nasibe
kya kahiye kahan pe baT ga.e hain
ubhre the bhanvar se kuchh safine
kya jaane kahan ulaT ga.e hain
Leave a Reply