Fana Nizami Kanpuri
mujhe pyaar se tira dekhna mujhe chhup chhupa ke vo dekhna
mira soya jazba ubharna tumhen yaad ho ki na yaad ho
rah-o-rasm qalb o nigah ke vo tumhare daave nibah ke
vo hamara sheḳhi bagharna tumhen yaad ho ki na yaad ho
vo hamari chheḌ vo shoḳhiyan vo hamara kaTna chuTkiyan
vo tumhara kuhni ka marna tumhen yaad ho ki na yaad ho
kabhi sard aahon ke silsile kabhi ThanDi sanson ke mashghale
vo hamari naqlen utarna tumhen yaad ho ki na yaad ho
vo tumhara sha.er-e-ḳhush-nava jise log kahne lage ‘fana’
vo ‘nisar’ kah ke pukarna tumhen yaad ho ki na yaad ho
Leave a Reply