Mujhe Pata Hai Bas Itna Ki Pyar Karna Hai

mujhe pata hai bas itnā ki pyaar karnā hai

aur ek baar nahīñ baar baar karnā hai

tum apnā kaam ab achchhe se kyuuñ nahīñ kartīñ

tumhārā kaam mujhe be-qarār karnā hai

tujhe gale se lagā ke bhī dekhā jā.egā

abhī to mujh ko tirā intizār karnā hai

maiñ is jahāñ ke liye ḳhud ko chhoḌ baiThā huuñ

isī jahāñ ne mujhe darkinār karnā hai

Leave a Comment