Akbar Hyderabadi
ek din vaqt ka jhulsa hua maila chehra
ik dil-afroz jila paega
sarguzisht-e-gham-e-dauran ka musannif ik din
saari na-gufta hikayat ko jaega
vo dil-aram se mausam vo ḳhunuk vadi-e-rang
jin ki ḳhushbu pe ijara raha
saffak sitam-ranon ka
jin ke phulon men phalon men tha lahu
saikḌon jan-soḳhta insanon ka
ab vo tariḳh-e-zubun
vaqt na dohraega
vo pasina jo Tapakta hai thake aur tape jismon se
mere ehsas ke mathe pe nami hai jis ki
ek din ru-e-zamin ka vahi ghaza ban kar
apni khoi hui mehnat ka sila paega
aur
shaddad-sifat
gham ka bhayanak aaseb
maut ke ghaaT utar jaega
Leave a Reply