shahr men chak-gareban hue napaid ab ke
koi karta hi nahin zabt ki takid ab ke
lutf kar ai nigah-e-yar ki gham valon ne
hasrat-e-dil ki uthai nahin tamhid ab ke
chand dekha tiri ankhon men na honton pe shafaq
milti-julti hai shab-e-gham se tiri diid ab ke
dil dukha hai na vo pahla sa na jaan tadpi hai
ham hi ghafil the ki aai hi nahin iid ab ke
phir se bujh jaengi shamen jo hava tez chali
la ke rakkho sar-e-mahfil koi khurshid ab ke
Leave a Reply