ahrman hai na ḳhuda hai mira dil
hujra-e-haft-bala hai mira dil
mahbat-e-ruh-e-azal mera dimagh
aur aseb-zada hai mira dil
sar jhuka kar mire siine se suno
kitni sadiyon ki sada hai mira dil
ajnabi-zad huun is shahr men main
ajnabi mujh se siva hai mira dil
aao qasd-e-safar-e-najd karen
raah hai rah-numa hai mira dil
chand benam-o-nishan qabron ka
main aza-dar huun ya hai mira dil
na taqaza hai kisi se na talab
mudda.a hai na dua hai mira dil
raakh ban ban ke uḌi hai miri ruuh
ḳhuun ho ho ke baha hai mira dil
pahle main dil pe ḳhafa hota tha
aur ab mujh se ḳhafa hai mira dal
Leave a Reply