Mujhe Pasand Nahin Aise Karobar Mein Hun

mujhe pasand nahin aise karobar men huun

ye jabr hai ki main khud apne ikhtiyar men huun

hudud-e-vaqt se bahar ajab hisar men huun

main ek lamha huun sadiyon ke intizar men huun

abhi na kar miri tashkil mujh ko naam na de

tire vajud se bahar men kis shumar men huun

main ek zarra miri haisiyat hi kya hai magar

hava ke saath huun udte hue ghubar men huun

bas as-pas ye suraj hai aur kuchh bhi nahin

mahak raha to huun lekin main regzar men huun

Leave a Comment