havaon ke muqabil huun
charaghon ki vo mahfil huun
khuda jaane kahan huun main
na bahar huun na shamil huun
mire kandhe pe vo bikhre
hain mauj ik vo main sahil huun
ye chadar silvaten takiya
batate hain main ghafil huun
main jo chahun vo pa luun par
abhi khud hi se ghafil huun
yahan sab be-sahara hai
sahara duun? main batil huun
umiden tum se rakhti huun
kaho to kitni jahil huun
jua hai zindagi jaise
jo jiite us ko hasil huun
rahe zad men junun jis ke
usi ko phir main hasil huun
Leave a Reply