Sare Aalam Se Mere Gham Ka Hai Afsana Juda

saare aalam se mire gham ka hai afsana juda

dil ke matam ke liye chahiye gham-khana juda

garche vahshat ka nahin hai koi afsana juda

par nazar aata hai sab se tira divana juda

qurbat-e-husn ghazab hai ki sar-e-mahfil-e-naz

us ke lab se nahin hota lab-e-paimana juda

ai khuda kashmakash-e-yas-o-tamanna kab talak

un ke rahne ke liye dil men ho har khana juda

aaj tang aa ke ye naseh ko diya main ne javab

mazhab-e-shaikh juda mashrab-e-rindana juda

khushk ho jaae jo baaqi hai rag-e-jan men lahu

dil se hona na abhi ai gham-e-janana na juda

be-khudi men bhi raqabat ka magar hai ehsas

ek sahra men hai divane se divana juda

sabr ki mujh ko judai men hai talqin fuzul

ye to jab ho ki rahe shama se parvana juda

dasht jagir hai majnun ki to kya fikr ‘nazar’

khod kar ghar ko bana lijiye virana juda

Leave a Comment