mujhe bhi jiine ka ehsas ab zara ho jaa.e
kabhi nikal lo fursat to ratjaga ho jaa.e
na aarzu na ḳhalish kuchh nahin kisi dil men
nigah bhar ke jise dekh lo tira ho jaa.e
rahe jo duur to kya kya shararten us ki
kabhi qarib se guzre to dusra ho jaa.e
mira na ho na sahi mere ru-ba-ru to rahe
vajud mera kisi taur aa.ina ho jaa.e
mire usuul miri raah rok lete hain
ojab nahin ki chalun aur rasta ho jaa.e
Leave a Reply