Aa Gai Fasl-E-Nau-Bahaar Dasht Mein Wo Hawa Chali

Poet

aa ga.i fasl-e-nau-bahar dasht men vo hava chali

sar pe hua junun savar aql piyada-pa chali

baagh se jab hava chali mai-kade se ghaTa chali

dil ki kali khila chali dil ki lagi bujha chali

tu ne na aa ke diid ki baiTh ke ghar men iid ki

laash tire shahid ki janib-e-karbala chali

vaah re daura-e-sharab ḳhan-qahen huiin ḳharab

jhuum rahe hain shaiḳh-o-shab ab ki ajab hava chali

shor uTha jo aah ka sabr-o-qarar uḌ chala

qafile men baja dira hone lagi chala-chali

saqi-o-rind-e-bada-kash aur pukaren al-atash

aate hain sab ko ghash pe ghash aaj sharab kya chali

‘qadr’ ye fauj jab chaḌhi TuTegi qalb ki ghaḌi

naaz baḌha ada baḌhi ghamza chala haya chali