Dr Naresh
rafiq se hi lage hain na ab adu se ham
nikal ga.e hain bahut duur rang-o-bu se ham
tiri talash men gum kar den apni hasti ko
ye aarzu hai guzar jaa.en aarzu se ham
siva.e apne kise den gunah ka ilzam
kafan-ba-dosh khaḌe hain lahu lahu se ham
zaban-e-shirin dilon men fasad-o-fitna-o-shar
ki baaz aa.e mohabbat ki guftugu se ham
na.i bala liye ugta hai har naya suraj
‘naresh’ aise bandhe ek fitna-ḳhu se ham
Leave a Reply