Nuzhat Abbasi
ye aur baat jigar laḳht-laḳht ho jaata
us ek pal ke liye dil bhi saḳht ho jaata
huzur-e-shah sar-e-taslim ḳham jo kar dete
bana hai aaj jo taḳhta vo taḳht ho jaata
nasib katib-e-taqdir hi to likhta hai
hamara likkha hua kaise baḳht ho jaata
phir is ke baa’d sabhi manzilen hamari thiin
ye hausla hi safar ka jo raḳht ho jaata
use bhi chuus ga.i zard bail furqat ki
mohabbaton ka vo pauda daraḳht ho jaata
Leave a Reply