Ye Aur Baat Jigar laKHt-laKHt Ho Jata

ye aur baat jigar laḳht-laḳht ho jaatā

us ek pal ke liye dil bhī saḳht ho jaatā

huzūr-e-shah sar-e-taslīm ḳham jo kar dete

banā hai aaj jo taḳhta vo taḳht ho jaatā

nasīb kātib-e-taqdīr hī to likhtā hai

hamārā likkhā huā kaise baḳht ho jaatā

phir is ke baa’d sabhī manzileñ hamārī thiiñ

ye hausla hī safar kā jo raḳht ho jaatā

use bhī chuus ga.ī zard bail furqat kī

mohabbatoñ kā vo paudā daraḳht ho jaatā

Leave a Comment