Dil Ki Duniya Mein Tujhe La Ke Main Hairan Kar Dun

dil kī duniyā meñ tujhe lā ke maiñ hairāñ kar duuñ

aa tujhe dard-e-mohabbat se farozāñ kar duuñ

chand lamhe jo mayassar hoñ sukūñ ke mujh ko

raah nikle to har ik dard kā darmāñ kar duuñ

inqilābāt vahī haiñ ki jo yaksar ubhreñ

gar ho taḳhrīb ġhadar naam meñ chaspāñ kar duuñ

us ke ghar jā.ūñ rahī jis se adāvat barsoñ

thoḌī taklīf sahī us ko pashemāñ kar duuñ

aarzū hai ki rahūñ zinda mohabbat ban kar

huuñ jahāñ dafn ‘asar’ us ko gulistāñ kar duuñ

Leave a Comment