mujhe batlaiye ab kaun si jiine ki surat hai
zamana is ghane jangal men ik chite ki surat hai
bikharte jism le kar tund tufanon men baithe hain
koi zarre ki surat hai koi tiile ki surat hai
chura laaya tha ankhon men jo ik tasvir duniya ki
vo ab sahra men ik sahme hue bachche ki surat hai
miri tahrir ke har lafz men zinda hain avazen
magar hairan huun chehra mira katbe ki surat hai
ye kaisi aag hai ‘afzal’ jale saae bhi pedon ke
dhuen men kis taraf jaun ajab raste ki surat hai
Leave a Reply