Poet
dil dhadakta hai ki tu yaar hai saudai ka
tere majnun ko kahan paas hai rusvai ka
barg-e-gul se bhi kam ab koh-e-gham us ne jaana
ye bharosa to na tha dil ki tavanai ka
kijiye chaak gareban ko bahar aai hai
zikr be-lutf hai yaan sabr o shakebai ka
sarv sabit-qadam is vaste gulshan men raha
nahin dekha kabhi jalva tiri ranai ka
zor manzur-e-nazar to tu ‘fughan’ rakhta hai
main to banda huun tiri chashm ki binai ka
Leave a Reply