Zikr Tera Karenge Phir Tujhse

zikr terā kareñge phir tujh se

abhī dekhā nahīñ hai jī bhar ke

pūchh kar raushnī ke khamboñ se

DhūñDte haiñ mujhe galī kūche

mar ga.ī raat merī āñkhoñ meñ

din ke fōtpath par the ḳhvāb paḌe

chāñd kyuuñ āsmāñ se utregā

shāḳh se TuuT jā.eñge patte

raaz kyā hai kisī kī sañgat kā

tum akele nazar nahīñ aate

vo hañsī dil meñ ghanTiyāñ sī haiñ

devtāoñ ne phuul barsā.e

Leave a Comment