silsila-e-roz-o-shab naqsh-gar-e-hadsat
silsila-e-roz-o-shab asl-e-hayat-o-mamat
silsila-e-roz-o-shab tar-e-harir-e-do-rang
jis se banati hai zaat apni qaba-e-sifat
silsila-e-roz-o-shab saz-e-azal ki fughan
jis se dikhati hai zaat zer-o-bam-e-mumkinat
tujh ko parakhta hai ye mujh ko parakhta hai ye
silsila-e-roz-o-shab sairafi-e-kaenat
tu ho agar kam ayaar main huun agar kam ayaar
maut hai teri barat maut hai meri barat
tere shab-o-roz ki aur haqiqat hai kya
ek zamane ki rau jis men na din hai na raat
ani-o-fani tamam mojaza-ha-e-hunar
kar-e-jahan be-sabat kar-e-jahan be-sabat
avval o akhir fana batin o zahir fana
naqsh-e-kuhan ho ki nau manzil-e-akhir fana
hai magar is naqsh men rang-e-sabat-e-davam
jis ko kiya ho kisi mard-e-khuda ne tamam
mard-e-khuda ka amal ishq se sahab farogh
ishq hai asl-e-hayat maut hai us par haram
tund o subuk-sair hai garche zamane ki rau
ishq khud ik sail hai sail ko leta hai thaam
ishq ki taqvim men asr-e-ravan ke siva
aur zamane bhi hain jin ka nahin koi naam
ishq dam-e-jibrail ishq dil-e-mustafa
ishq khuda ka rasul ishq khuda ka kalam
ishq ki masti se hai paikar-e-gil tabnak
ishq hai sahba-e-kham ishq hai kas-ul-karam
ishq faqih-e-haram ishq amir-e-junuud
ishq hai ibnus-sabil is ke hazaron maqam
ishq ke mizrab se naghma-e-tar-e-hayat
ishq se nur-e-hayat ishq se nar-e-hayat
ai haram-e-qurtuba ishq se tera vajud
ishq sarapa davam jis men nahin raft o buud
rang ho ya khisht o sang chang ho ya harf o saut
mojaza-e-fan ki hai khun-e-jigar se numud
qatra-e-khun-e-jigar sil ko banata hai dil
khun-e-jigar se sada soz o surur o surud
teri faza dil-faroz meri nava sina-soz
tujh se dilon ka huzur mujh se dilon ki kushud
arsh-e-moalla se kam sina-e-adam nahin
garche kaf-e-khak ki had hai siphar-e-kabud
paikar-e-nuri ko hai sajda mayassar to kya
us ko mayassar nahin soz-o-gudaz-e-sajud
kafir-e-hindi huun main dekh mira zauq o shauq
dil men salat o durud lab pe salat o durud
shauq miri lai men hai shauq miri nai men hai
naghma-e-allah-hu mere rag-o-pai men hai
tera jalal o jamal mard-e-khuda ki dalil
vo bhi jalil o jamil tu bhi jalil o jamil
teri bina paedar tere sutun be-shumar
shaam ke sahra men ho jaise hujum-e-nukhil
tere dar-o-bam par vadi-e-aiman ka nuur
tera minar-e-buland jalva-gah-e-jibrail
mit nahin sakta kabhi mard-e-musalman ki hai
us ki azanon se faash sirr-e-kalim-o-khalil
us ki zamin be-hudud us ka ufuq be-saghur
us ke samundar ki mauj dajla o danyub o niil
us ke zamane ajiib us ke fasane gharib
ahd-e-kuhan ko diya us ne payam-e-rahil
saqi-e-rabab-e-zauq faras-e-maidan-e-shauq
baada hai us ka rahiq tegh hai us ki asiil
mard-e-sipahi hai vo us ki zirah la-ilah
saya-e-shamshir men us ki panah la-ilah
tujh se hua ashkar banda-e-momin ka raaz
us ke dinon ki tapish us ki shabon ka gudaz
us ka maqam-e-buland us ka khayal-e-azim
us ka surur us ka shauq us ka niyaz us ka naaz
haath hai allah ka banda-e-momin ka haath
ghalib o kar-afrin kar-kusha karsaz
khaki o nuri-nihad banda-e-maula-sifat
har do-jahan se ghani us ka dil-e-be-niyaz
us ki umiden qalil us ke maqasid jalil
us ki ada dil-fareb us ki nigah dil-navaz
aaj bhi is des men aam hai chashm-e-ghazal
aur nigahon ke tiir aaj bhi hain dil-nashin
bu-e-yaman aaj bhi us ki havaon men hai
rang-e-hijaz aaj bhi us ki navaon men hai
dida-e-anjum men hai teri zamin asman
aah ki sadiyon se hai teri faza be-azan
kaun si vaadi men hai kaun si manzil men hai
ishq-e-bala-khez ka qafla-e-sakht-jan
dekh chuka almani shorish-e-islah-e-din
jis ne na chhode kahin naqsh-e-kuhan ke nishan
harf-e-ghalat ban gai ismat-e-pir-e-kunisht
aur hui fikr ki kashti-e-nazuk ravan
chashm-e-faransis bhi dekh chuki inqalab
jis se digar-gun hua maghrabiyon ka jahan
millat-e-rumi-nizhad kohna-parasti se piir
lazzat-e-tajdida se vo bhi hui phir javan
ruh-e-musalman men hai aaj vahi iztirab
raz-e-khudai hai ye kah nahin sakti zaban
narm dam-e-guftugu garm dam-e-justuju
razm ho ya bazm ho pak-dil o pak-baz
nuqta-e-parkar-e-haq mard-e-khuda ka yaqin
aur ye aalam tamam vahm o tilism o majaz
aql ki manzil hai vo ishq ka hasil hai vo
halqa-e-afaq men garmi-e-mahfil hai vo
kaba-e-arbab-e-fan satvat-e-din-e-mubin
tujh se haram martabat undulusiyon ki zamin
hai tah-e-gardun agar husn men teri nazir
qalb-e-musalman men hai aur nahin hai kahin
aah vo mardan-e-haq vo arabi shahsavar
hamil-e-khalq-e-azim sahab-e-sidq-o-yaqin
jin ki hukumat se hai faash ye ramz-e-gharib
saltanat-e-ahl-e-dil faqr hai shahi nahin
jin ki nigahon ne ki tarbiyat-e-sharq-o-gharb
zulmat-e-europe men thi jin ki khirad-rah-bin
jin ke lahu ke tufail aaj bhi hain undulusi
khush-dil o garam-ikhtilat saada o raushan-jabin
dekhiye is bahr ki tah se uchhalta hai kya
gumbad-e-nilofari rang badalta hai kya
vadi-e-koh-sar men gharq-e-shafaq hai sahab
lal-e-badakhshan ke dher chhod gaya aftab
saada o pur-soz hai dukhtar-e-dahqan ka giit
kashti-e-dil ke liye sail hai ahd-e-shabab
ab-e-ravan-e-kabir tere kinare koi
dekh raha hai kisi aur zamane ka khvab
alam-e-nau hai abhi parda-e-taqdir men
meri nigahon men hai us ki sahar be-hijab
parda utha duun agar chehra-e-afkar se
la na sakega farang meri navaon ki taab
jis men na ho inqalab maut hai vo zindagi
ruh-e-umam ki hayat kashmakash-e-inqilab
surat-e-shamshir hai dast-e-qaza men vo qaum
karti hai jo har zaman apne amal ka hisab
naqsh hain sab na-tamam khun-e-jigar ke baghair
naghma hai sauda-e-kham khun-e-jigar ke baghair
Leave a Reply