mujh men hai kuchh dard bacha so zinda huun
charagar ne bol diya so zinda huun
main bas marne hi vaala tha phir us ne
honTon par ik lams rakha so zinda huun
mujh ko ek faqir ne sikke ke badle
di hogi bharpur dua so zinda huun
socha tha ab maut si niind main so.unga
ḳhvab men kuchh nayab dikha so zinda huun
jiina vo bhi hosh men rah ke mushkil tha
karta huun ab roz nasha so zinda huun
us ne bola yaad mujhe tum mat karna
main ne bhi phir maan liya so zinda huun
ḳhvab men us se roz mila karta tha ‘mit’
lekin sach men nahin mila so zinda huun
Leave a Reply