muhit misl-e-asman zamin-e-fikr-o-fan pe huun
sukut ka sabab hai ye maqam-e-la-suḳhan pe huun
faza-e-la-sabat men sara-e-be-jihat men
musafirana ḳhanda-rez vaqt ki thakan pe huun
mire nasib ki sahar ghurub ho ga.i kahan
nazar jama.e der se tiri kiran kiran pe huun
saja.un vo chaman jinhen ḳhizan kabhi na chhu sake
tiri tarah jo hukmaran shaguft har chaman pe huun
aziz-tar hai tesha-e-hunar ghubar-e-dard se
tariq-e-qais par nahin tariq-e-koh-kan pe huun
hujum-e-sad-ḳhayal se najat mil sake agar
to hasidana mo’tariz kisi ki anjuman pe huun
visal hi visal hai firaq ab muhal hai
main tere har libas ki tarah tire badan pe huun
kisi ke shajra-e-suḳhan se nisbat-e-suḳhan nahin
main aap apna mudda.i siyadat-e-suḳhan pe huun
Leave a Reply